Entradas
O titular da Xunta asistiu esta tarde ao acto conmemorativo do 50 aniversario da Feira do Xamón da Cañiza
Feijóo pon en valor as festas gastronómicas de Galicia e o seu potencial para contribuír a fortalecer o sector agroalimentario
Vídeo do presidente da Xunta no acto conmemorativo do 50 aniversario da Feira do Xamón da Cañiza1 de 6
O titular da Xunta asistiu esta tarde ao acto conmemorativo do 50 aniversario da Feira do Xamón da Cañiza2 de 6
O presidente da Xunta, Alberto Núñez Feijóo, destacou hoxe o valor das festas gastronómicas de Galicia e o seu potencial para contribuír a fortalecer o sector agroalimentario e turístico.
Nesta liña, lembrou que Galicia conta con 112 festas de interese turístico autonómico, 11 de interese turístico nacional e nove de interese turístico internacional, que contribúen a poñer en valor a calidade dos produtos procedentes tanto da agricultura como da gandería e dan a coñecer tamén outros atractivos da nosa comunidade como o patrimonio cultural.
Durante o acto conmemorativo do 50 aniversario da Feira do Xamón da Cañiza, Feijóo referiuse a este evento como un exemplo de esforzo conxunto entre criadores, industria e bodegueiros para promover o produto máis afamado da gastronomía cañicense.
Feijóo salientou que a antigüidade desta feira, o arraigo no tempo e os valores culturais que conflúen nela fan que cada ano creza en visitantes e renome. E incidiu en que estes tres elementos obrigan a todos os que forman parte da súa organización a traballar con máis dedicación se cabe, para seguir sendo unha das grandes citas gastronómicas da Comunidade.
Imaxes relacionadas
No hay comentarios:
Publicar un comentario